फुगडी सर्तींत घोटेलीचो विघ्नहर्ता सांस्कृतीक पंगडाक पयलें इमान

भांगरभूंय | प्रतिनिधी

भांगरभूंय । प्रतिनिधी
दिवचलः सम्राट क्लब, दिवचल आनी मानिनी आप मजत पंगडान आयोजीत केल्ले अखील गोंय पांवड्या वयले फुगडी सर्तींत घोटेली- केरीच्या विघ्नहर्ता सांस्कृतीक पंगडान पांच हजार रुपयांचें पयलें इनाम मेळयलें.
दुसरें इनाम कलासती सांस्कृतीक मंडळ, तेमवाडो केरी हाकां आनी तिसरें इनाम शांतादुर्गा आप मजत गट- सर्वण हांका फावो जालें. घोडे आमेश्वर महिला मंडळ, उसप, रवळनाथ महिला भजनी मंडळ, नावेरी हांका उमेद वाडोवपी इनामां दिलीं. घऴनाळेश्वर मंडळ-साळ आनी विघ्नहर्ता पंगडाक दरेकी गायन आनी भेशवणी खातीर इनामां दिलीं.
सर्तीचें उक्तावण सिद्धीविनायक देवस्थानाचो अध्यक्ष देवीदास जांभळे हांणे केलें. ह्या वेळार दिवचल सम्राट क्लबाचो अध्यक्ष नीलेश टोपले, मानिनी आप मजत पंगडाची अध्यक्ष लोचन गोसावी, सचीव शीतल बेतकीकार, शेखर नायक हाजीर आशिल्लो. दिलीप धारगळकार आनी हरिप्रसाद सावंत  हांणी सर्तीचें परिक्षण केलें. सूत्रसंचालन डॉ प्रवीण सावंत हाणे केलें, शेखर नायकान उपकार मानले