भांगरभूंय | प्रतिनिधी
मडगांव, प्रतिनिधी ः कोंकण रेल्वे मार्गाचेर तिकेट तपासपाचे मोहिमेंत 9548 जाणांचेर कारवाय करून 2 कोटी 17 लाख 97 हजार 102 रुपया दंड वसूल केलो. हाचे आदीं ऑक्टोबर ते डिसेंबर 2023 मेरेन 5.61 कोटी दंड वसूल केल्लो आनी फाटल्या चार म्हयन्यांत 28014 व्यक्तींचेर कारवाय करुन 7.79 कोटी दंड वसूल केलो.
तिकीट नासतना प्रवास करपी लोकांचेर कारवाय करतात. कोंकण रेल्वे कडल्यान तिकेट तपासणी मोहीम सतत चालू आसा. कोंकण रेल्वे मार्गाचेर (ऑगस्ट ते ऑक्टोबर 2023) वट्ट 14,150 अनधिकृत आनी अनियमीत प्रवासी तिकेट नाशिल्ले मेळ्ळे आनी तांकां दंड घाल्लो. हातूंतल्यान वट्ट 86 लाख 37 हजार 820 रुपया दंड वसूल केला. हातूंत 23 ऑगस्ट मेरेन तिकेट नाशिल्ल्या 4484 प्रवाशांकडल्यान 26 लाख 67 हजार 555 रुपया दंड वसूल केलो. 23 सप्टेंबर मेरेन तिकेट नाशिल्ल्या 4888 प्रवाशां कडल्यान 27 लाख 9 हजार 700 रुपया दंड वसूल केलो. 23 ऑक्टोबर मेरेन 4778 प्रकरणा नोंद करुन 32 लाख 60 हजार 565 रुपया दंड वसूल केलो. नोव्हेंबरांत तिकीट तपासणी मोहीम चड खर करून 7013 जाणांचेर कारवाय करून 2 कोटी 5 लाख 52 हजार 445 रुपया दंड वसूल केलो.
डिसेंबर म्हयन्यांतय 6,675 प्रवाशांचेर कारवाय करून 1 कोटी 95 लाख 64 हजार 926 रुपया वसूल केल्यात. ऑक्टोबर ते डिसेंबर मेरेन तिकेट नाशिल्ल्या 18,466 प्रवाशा कडल्यान 5 कोटी 60 लाख 99 हजार 17 रुपया दंड वसूल केलो. ताचे उपरांत आतां नव्या वर्सा जानेवारी 2024 वर्सा 9548 फुकट प्रवाशांचेर कारवाय केली आनी 2 कोटी 17 लाख 97 हजार 102 रुपया वसूल केले. ऑक्टोबर 2023 ते जानेवारी 2024 ह्या चार म्हयन्यांच्या काळांत 28 हजार 14 तिकीट नाशिल्ल्या प्रवाशांचेर कारवाय केल्या आनी तांचे कडल्यान 7 कोटी 78 लाख 96 हजार 119 रुपयांचो दंड वसूल केला.
असुविधा टाळपा खातीर प्रवाशांनी योग्य आनी वैध तिकेट घेवन प्रवास करचो असो उलो कोंकण रेल्वे प्रशासनान मारला. ही तिकेट तपासपाची मोहीम अशीच चालू उरतली अशें रेल्वे प्रशासनान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
