फिल्मी खबरो
भांगरभूंय | प्रतिनिधी
‘हमारे बारह’ निमाणे रिलीज
वादांत सांपडिल्लो ‘हमारे बारह’ फिल्म निमाणे रिलीज जालो. अन्नू कपूर, आश्विनी कळशेकर, मनोज जोशी, पारितोष त्रिपाठी अभिनीत ह्या फिल्मांत इस्लाम धर्मांत बायलांक कशे तरेन पळयतात, तांकां कशी वागणूक दितात हाचेर चडशें दाखयला, म्हूण वाद निर्माण जाल्लो. कोर्टांतूय प्रकरण गेल्लें. सगळ्या वादांतल्यान भायर सरून हे फिल्म थेटरांनी पावले.
‘चंदू चँपियन’ थारलो अॅव्हरेज
कार्तिक आर्यनाचो ‘चंदू चँपियन’ फिल्माचो वेवसाय अॅव्हरेज जायत आसा. 50 कोटी रुपयान तयार जाल्ल्या ह्या फिल्मान आतांमेरेन 39 कोटी रुपयांचो वेवसाय केला. ह्या सप्तकांत हें फिल्म निर्मिती खर्च वाशील करपाक शकता. शेहजादा फिल्माच्या अपेसा उपरांत कार्तिक आर्यनाक एका हिट फिल्माची गरज आशिल्ली. चंदू चँपियनान ही गरज पुराय करूंक ना.
मुंज्याचो बॉक्स ऑफिसाचेर धुमाकूळ
शर्वरी वाघ आनी अभय वर्मा अभिनीत मुंज्या फिल्मान बॉक्स ऑफिसाचेर धुमाकूळ घाला. फकत 30 कोटीन तयार जाल्ल्या ह्या फिल्मान 2 सप्तकांत 71 कोटी रुपयांचो वेवसाय केला. आतां हे फिल्म 100 कोटींचो पांवडो हुंपता काय ना हाचेकडेन सगल्यांची नदर आसा. कोंकणातल्या भुताच्या कथेचेर आधारित ह्या फिल्मान सगल्यांक आवडला. सध्या ह्या फिल्माक हिट फिल्माचो टॅक लागला. 100 कोटीचो वेवसाय जाल्यार हें फिल्म ऑल टायम सुपर हिटांच्या वळेरेंत वतले.
विजय सेथुपतीचो ‘महाराजा’ हिट
विजय सेथुपती म्हणल्यार आयजचे घडयेक बँकेबल अभिनेतो. ताच्या महाराजा ह्या तामीळ फिल्मान बॉक्स ऑफिसाचेर धुमाकूळ घाला. 25 कोटींत तयार जाल्ल्या ह्या फिल्मान 50 कोटींचो वेवसाय केला. विजय सेथुपतीच्या वेगळ्या अभिनयाक लागून हें फिल्म गाजता. ह्या फिल्मांत ममता मोहनदास, अनुराग कश्यप, मुनिश्कंठ हांच्या म्हत्वाच्यो भूमिका आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
