भांगरभूंय | प्रतिनिधी
दरवाड फांटी घेना जाल्यार आंदोलन: कॉंग्रेसीची शिटकावणी
पणजी, प्रतिनिधी : गोंय सरकारान पेट्रोलावेलो व्हॅट २१.५ टक्के जाल्यार डिजेलावेलो व्हॅट १७.५ टक्क्यां मेरेन वाडयिल्ल्यान फाल्यां शेनवारा सावन पेट्रोल आनी डिजेलाचें दर वाडटले. पेट्रोल दर लिटरा फाटल्यान १ रूपयान जाल्यार डिजेल दर लिटरा फाटल्यान ३६ पयशांनी म्हारग जातलें.
सध्या पणजे पेट्रोलाचो दर ९५.२३ रूपया जाल्यार डिजेलाचो ८७.७९ रूपया आशिल्ल्याची म्हायती एका पेट्रोलपंप धनयान दिली. शेनवार सावन पेट्रोल ९६.२३ रूपया आनी डिझेल ८८.१५ रूपया लिटर जातलें. येरादारीक लागून पेट्रोल तशेंच डिजेलाच्या दरांत मातसो फरक पडटा. हाका लागून पणजे, मडगांव, फोंडें, म्हापशें ह्या शारांतल्या दरां मदीं रूपया मेरेन फरक आसता, अशें तांणी सांगलें.
हे दरवाडीचेर विरोधी पक्ष फुडारी युरी आलेमांव हांणी खर टिका करतना दरवाड फांटी घेना जाल्यार आंदोलनाची शिटकावणी दिल्या. इवेंटावेलो खर्च उणो करून सरकारान पेट्रोल, डिजेलावेली दरवाड फांटी घेवची, अशी मागणी तांणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
