भांगरभूंय | प्रतिनिधी
मडगांव : फातोर्डा सिंक्रो हॉटेला लागसारचे इमारतींतल्या फ्लॅटाक रातीं उजो लागलो. मडगांव उजो पालोवपी दळाच्या जवानांनी येवन ह्या उज्याचेर नियंत्रण मेळयलें. घरांतलें सगळें सामान जळिल्ल्यान लाखांनी रुपयांचें लुकसाण जालें. उज्याचेर नियंत्रण मेळयिल्ल्यान सुमार २० लाखांची मालमत्ता वाटयल्या.
मेळिल्ले म्हायती प्रमाण, शुक्रारा रातीं सुमार १ वरांचेर फातोर्डाच्या सिंक्रो हॉटेला लागसारचे इमारतींतल्या फ्लॅटाक उजो लागलो. मडगांव उजो पालोवपी दळाक हे विशीं म्हायती मेळटांच ते रोखडेच घडणुके सुवातेर पावले. ह्या उज्यान घरांतलें सगळें सामान लासून गोबोर जालें. लायट बंद उडयले उपरांत बॅटरीच्या उजेडांत उजो पालोवपी दळान उज्याचेर नियंत्रण हाडपाचें काम केलें. ह्या उज्यांत घरांतले टिवी सयत लायटीचीं हेर उपकरणां उज्यांत लासलीं. तशेंच घराचें दार, फर्नीचरून लासून गोबोर जालो. ह्या उज्याक लागून फ्लॅट धनयाचें लाखांनी रुपयांचें लुसाण जालां. उजो पालोवपी दळाच्या जवानांनी एका वरांत उज्याचेर नियंत्रण हाडिल्ल्यान सुमार २० लाखांचें सामान वाटवलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
