भांगरभूंय | प्रतिनिधी
मडगांव, प्रतिनिधी ः फातोड्ड्यां मुरीडाच्या लिटल प्री शाळे लागसारच्या इमारतींतल्या बंद फ्लॅटाक सकाळीं उजो लागलो. हांतूत सुमार अडेज लाखांचें लुकसाण जालां. शॉर्ट सर्किटाक लागून उजो लागलो आसुं येता अशें उजो पालोवपी दळान सांगलां. मडगांव उजो पालोवपी दळान उजो नियंत्रणा खाला हाडलो.
उजो पालोवपी दळान दिल्ले म्हायती प्रमाण, मुरीडा फतोड्यांच्या लिटल प्री शाळे लागसार आशिल्ल्या इमारतीच्या तळमजल्याचेर आशिल्ल्या बंद फ्लॅटांतल्यान धुंवर येता अशी म्हायती मेळ्ळी. उपरांत दळ घडणूक सुवातेर पावलो. फ्लॅटांत दवरिल्ली स्कुटर आनी भरिल्लो गॅस सिलिंडर भायर काडलो. हो फ्लॅट डेरीक ग्रॅसिअस हांचो आसा. पूण तें कामा निमतान परदेशांत आसतात.
दळाचे अधिकारी गिल सुझा हांणी दिल्ले म्हायती प्रमाण, बंद फ्लॅटांतलो वीज मीटर चालू आशिल्लो. शार्ट सर्किटाक लागून घरांतल्या फ्रिजांत उजो लागपाची घडणूक घडली. घरांतल्यान भायर सरतना वीज पुरवण बंद करून भायर सरचें अशें तांणी सांगलें. डेरीकाचो फ्लॅट बंद आशिल्लो. फ्रिजाच्या शार्ट सर्किटाक लागून उजो लागलो आनी उजो घरांत पातळ्ळो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
