भांगरभूंय | प्रतिनिधी
पणजी : राज्यांत अपघातांचें प्रमाण वाडत असतनाच दुचाकींक अपघात जावपाचें प्रमाण सगळ्यांत चड आसा. फाटल्या दोन वर्सांत (१ जानेवारी २०२३ ते १५ जुन २०२४ मेरेन) १७९९ दुचाकींक अपघात जाल्यात. ह्याच काळांत १११६ चार चाकी, १३३ प्रवाशी जाल्यार ३४४ जड वाहनांक अपघात जाल्यात. दुचाकींचो आंकडो सगळ्यांत चड आसा. येरादारी मंत्री मॉविन गुदिन्हो हांणी आमदार कार्लोस ङ्गेरेरा हांच्या प्रस्नाक ही लेखी जाप दिल्या.
२०२३ वर्सा राज्यांत १५८७ जाल्यार २०२४ वर्सा (१५ जून मेरेन) ७५७ अपघात जाल्यात. फाटले वर्सा आनी अंदु अपघातांचें प्रमाण लागीं लागीं सारकेंच आसा.
२०२३ वर्सा मायणा कुडतरें चड अपघात
पुलीस स्टेशनांचेर नोंद जावपी आंकडेवारी जापेंत दिल्या. २०२३ वर्सा मायणा कुडतरें पुलीस स्टेशनांत १७३ दुचाकी अपघातांची नोंद जाल्या. हाचे उपरांत वेर्णा पुलीस स्टेशनाचे हद्दींत १४२ अपघातांची नोंद जाल्या.
विवीध पुलीस स्टेशनांत नोंद जाल्ल्ल्या अपघातांची आंकडेवारी : पणजी ८, पोरणें गोंय ७, आगशे १४, म्हापशें १६, हणजूण १४, कोलवाळे ७, पेडणें ७, मोपा ५, मांद्रें ०, पर्वरी ५, कळंगूटे ३, साळगांव २, दिवचले २८, वाळपय १४, मडगांव ५०, मायणा कुडतरें १७३, कोलवा ७४, कुंकळ्ळ्यां ११०, फातोड्ड्यां १०६, केपें ७३, कुडचडें ३६, सांगें १६, काणकोण ५५, वास्को ५२, वेर्णा १४२, मुरगांव २३, फोंडें १२५, कुळें १४, म्हाड्डोळ ३४ अपघातांची नोंद जाल्या.
२०२४ वर्सा वेर्णा पुलीस स्टेशनांत दुचाकींचे सगळ्यात चड अपघात
अंदूं१५ जून मेरेन वेर्णा सगळ्यांत चड ७२ दुचाकी अपघातांची नोंद जाल्या. विवीध पुलीस स्टेशनांनी नोंद जाल्ले दुचाकींचे अपघात (१५ जून मेरेन)
पणजी २, पोरणें गोंय २, आगशी ५, म्हापशें ४, हणजूण ४, कोलवाळ ३, पेडणें ६, मोपा ६, मांद्रें ४, पर्वरी ४, कळंगूटे १, साळगांव ०, दिवचल १९, वाळपय ९, मडगांव ३८, मायणा कुडतरी ६४, कोलवा ३६, कुंकळ्ळी ४२, फातोड्ड्यां ४७, केपें २७, कुडचडें २१, सांगें १०, काणकोण ३४, वास्को २६, वेर्णा ७२, मुरगांव १२, फोंडें ५२, कुळें ९, म्हार्दोळ २६ अपघातांची नोंद जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
