भांगरभूंय | प्रतिनिधी
पणजी : फाटल्या वर्सा म्हणजे 2023- 24 वर्सा अर्थसंकल्पातल्या 390 घोशणां मदल्या 388 घोशणांची कार्यवाय सुरू जाल्या. हे प्रमाण 99.49 टक्के आसा. मुख्यमंत्री डॉ. प्रमोद सावंत हांणी सभाघरांत अर्थसंकल्प कार्यवाय अहवाल सादर केलो.
390 घोशणां मदल्या 109 घोशणा पुराय जाल्या. 279 घोशणांची कार्यवाय सुरू जाल्या. 2 घोशणा रद्द जाल्यात. भौशीक बांधकाम खात्याच्या 79 मदल्या 6, जीएसआयडीसीच्या 19 मदल्या 4, वीज खात्याच्या 10 मदल्या 3, उदका पुरवण 17 मदल्या 11, येरादारी 9 मदल्या 6, खेळां खात्याच्या 9 मदल्या 5, ग्रामीण उदरगत खात्याच्या 9 मदल्या 5 घोशणा पुराय जाल्यो.
हेर खात्यांचो विचार केलो जाल्यार उद्देग 1, हस्तकला 2, म्हायती तंत्रज्ञान 2, रान, पर्यावरण, कामगार, कारखानो दरेकीं 1, कुशळटाय, शेती, गोरवां पोसप दरेकीं 3, नुस्तेमारी 2, समाज कल्याण 4, सहकार 2, आदिवासी कल्याण 1, शिक्षण 5, उच्च शिक्षण 1 घोशणा पुराय जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
