प्रिंट मिडिया सासणाची उरपाची
भांगरभूंय | प्रतिनिधी
‘बिहायंड द बायलायन’ कार्यावळींत ज्येश्ठ पत्रकार वामन प्रभू हांची मुलाखत
भांगरभूंय | प्रतिनिधी
पणजी : सोशल मीडिया येवं नाजाल्यार आनीक कितेंय येवं प्रिंट मिडियाक कसलोच धोको ना. ती सासणाची उरपाची असो विस्वास ज्येश्ठ पत्रकार वामन प्रभू हांणी उक्तायलो. ‘गुजा’ वतीन आयोजीत ‘बिहायंड द बायलायन’ चर्चासत्राच्या दुसऱ्या भागांत तांची मुलाखत ‘गांवकारी’चे संपादक किशोर नायक गांवकार हांणी घेतली.
सोशल मिडीयाचेर एखादे बातमेची अपडेट येत आसता, ताका अंत म्हण्टा तो नासताच, तशेंच सोशल मिडीयाच वयल्या बातम्यांक खोलाय नासता. बातमेंतली खोलाय, सगळ्या आंगान परिपूर्ण अशी बातमी फकत प्रिंट मिडियांतूच दिसता, तेन्ना प्रिंट मिडियाचें म्हत्व सदांच उरतलें, अशें प्रभू हांणी सांगलें.
चर्चासत्रांत प्रभू हांणी आपल्या 55 वर्सांच्या पत्रकारितेंतल्या अणभवांक वाट मेकळी करून दिली. तेन्नाची पत्रकारिता आनी आतांची पत्रकारिता हांतूतलो फरक सांगलो. पत्रकारां कडेन शिकत रावपाची, नवें कितें तरी करून दाखोवपाची जिद्द आसपाक जाय, अशेंय तांणी म्हणलें. एखादो विशय कशे तरेन हाताळूंक जाय हें सांगतना तांणी कांय यादीय ताज्यो केल्यो. मांडवी वयलो पूल कोसळ्ळो, तेन्नाच्यो यादी आनी कव्हरेज हांचेरूय उजवाड घालो.
येवकाराचें उलोवप गुज अध्यक्ष राजतिलक नायक हांणी केलें. उपकाराचें उलोवप सचीव वासुदेव पागी हांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
