भांगरभूंय | प्रतिनिधी
पणजी : मराठी साहित्य मंडळ ठाणे हे संस्थेचो प्रतिश्ठेचो विद्याभूषण पुरस्कार प्रा. चिन्मय मधू घैसास हाका भेटयलो. शिक्षणीक मळार तोखणाय करपा सारक्या योगदाना खातीर हो पुरस्कार तांकां जाहीर केल्लो. मराठी ग्रंथ संग्रहालय ठाणे हांगा जाल्ल्या एका विशशे सुवाळ्यांत नामनेचे कवी अशोक बागवे हांचे हस्तुकीं हो पुरस्कार भेटयलो. ह्या वेळार ठाणे शार विधानसभा मतदारसंघाचे आमदार संजय केळकार आनी हेर मानेस्त हाजीर आशिल्ले.
प्रा. चिन्मय मधू घैसास हे गोंय विद्यापीठाच्या मराठी अध्ययन फाट्यांत सहायक प्राध्यापक म्हणून कार्यरत आसात. एका दसका परस चड काळाचो अध्यापनाचो अणभव आशिल्ले प्रा. चिन्मय मधू घैसास हांणी उच्च शिक्षण आनी संशोधन मळार केल्ल्या कामा खातीर तांची ह्या पुरस्कारा खातीर निवड जाली. विशेश म्हळ्यार मराठी साहित्य मंडळ ठाणे हे संस्थेचो सावित्रीबाई फुले साहित्यभूषण पुरस्कार प्रा. घैसास हांच्या ’रेशीमगाठी’ ह्या अणकारिल्ल्या ग्रंथाक फावो जाला. ह्या पुरस्कारा खातीर तांकां सगळ्या मळांचेर परबीं भेटयतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
