भांगरभूंय | प्रतिनिधी
भांगरभूंय । प्रतिनिधी
मुरगांवः अखील भारतीय काँग्रेस समितीन गोंय प्रदेश काँग्रेस अल्पसंख्यांक विभागाच्या अध्यक्षपदार पक्षाचो निश्ठावंत वावुरपी नियाजी हनीफ शेख हाची नियुक्ती केल्या. मुरगांव तालुक्यांतल्या दाबोळी-चिखली रावपी नियाजी शेख उद्देजक आसा आनी काँग्रेस पक्षाचें राज्य पांवड्यार ताणी बरे भेशन काम केलां.
काँग्रेस म्हासमितीचो सरचिटणीस के सी वेणुगोपाळ हाणी एका रिकाम्या आशिल्ल्या अल्पसंख्यांक विभागाच्या अध्यक्षपदार शेख हाची निवड करपी पत्र ताका धाडलां. पक्षाचें काम तळागाळांत पावोवपाचें काम करपाक आपूण फुडाकार घेतलो अशें ताणे सांगलें. गोंयांतल्या अल्पसंख्यांकाक शिक्षण, उद्देग आनी हेर मळार वावर करपाक सहकार्य करपाच्या कामाक आपूण प्राधान्य दितलों अशें ताणे पत्रकारांक सांगलें.
गोंयांतल्या अल्पसंख्यांकाक शिक्षणीक मळार मजत करपाची चड गरज आसा.ते खातीर प्रदेश काँग्रेस समिती आनी ज्येश्ठ फुडाऱ्यांच्या मार्गदर्शना खाला काम करतोलों अशें सांगतना लोकसभा वेंचणुकेंत उत्तर आनी दक्षीण गोंयांतल्या जैतिवंत करपा खातीर काँग्रेस पक्षाचो अल्पसंख्यांक विभाग पुराय ताकदीन वावुरतोलो अशी म्हायती ताणे दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
