भांगरभूंय | प्रतिनिधी
दिनेश गावडे मरण प्रकरणांत एससी/एसटी आयोगाचे जिल्हाधिकार्यांक पत्र
पणजी : गव्याच्या हल्ल्यांत मरण आयिल्ल्या दिनेश गावडे हांच्या पोस्टमार्टम रिपोर्टा विशींच्या गुपीतपणाचो भंग जाल्ल्या प्रकरणांत गोंय अनुसूचित जाती/जमाती आयोगान (एससी/एसटी) दक्षीण गोंय जिल्लोधिकार्या कडेन चडवकशेची मागणी केल्या. दिनेश गावडे हांका ७ मेक मरण आयिल्लें. उपरांत दक्षीण गोंय जिल्लो हॉस्पिटलांतल्या फॉरेन्सेक विभाग मुखेली आनी सहयोगी प्राध्यापक डॉ. मधू घोडकिरेकर हांचे कडल्यान १३ मेक आयोगा कडेन कागाळ आयली. हे कागाळींत अनुसूचीत जमाती समुदायांतल्या एका मनशाच्या पोस्टमार्ट रिपोर्टा विशीं फोंडेंच्या उप वनसंरक्षक कार्यालयान गुप्ततायेचो भंग जाल्ल्याचो आरोप केलो. ह्या कागाळेच्या फाटभूंयेर आयोगान संबंदीत अधिकार्यांक हे कागाळेची योग्य चवकशी करून केल्ले कारवायेचो अहवाल सादर करपाचे निर्देश दिल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
