भांगरभूंय | प्रतिनिधी
खबरां संस्था
नवी दिल्ली : पेत्रोल आनी डिझॅलाच्या दरांनी शेनवारा परतून वाड जाली. फाटल्या 10 दिसांत तिसरे खेपे दर वाडल्यात. पेत्रोलाच्या दरांत लिटरा फाटल्यान 87 पयशांनी आनी डिझॅलाच्या दरांत 91 पयशांनी वाड जाल्या.
आंतरराष्ट्रीय बाजारांत कच्च्या तेलाचे दर वाडत आशिल्ल्यान आनी अस्तंत आशियांतल्या भू-राजकी तणावाक लागून इंधनाच्या दरांचेर दबाव वाडला अशें म्हणटात. दिल्लींत पेत्रोलाचे दर 98.64 रुपया वयल्यान लिटरा फाटल्यान 99.51 रुपया मेरेन वाडल्यात. डिझेलाचे दर 91.58 रुपया वयल्यान लिटरा फाटल्यान 92.49 रुपया मेरेन वाडल्यात.
हे नवे दर वाडीक लागून सर्वसामान्य नागरीक, प्रवाशी, येरादारी करपी आनी वेगवेगळ्या उद्देगीक मळा वयल्या खर्चाचो भार आनीक वाडपाची शक्यताय आसा. म्हाल येरादारीचो खर्च वाडलो जाल्यार ताचो परिणाम म्हारगायेचेरूय जावं येता. मजगतीं, देशांत पेत्रोल आनी डिझॅलाचो फावो तो सांठो आसा अशें पेट्रोलियम आनी सैमीक वायू मंत्रालयान स्पश्ट केलां. नागरिकांनी वावड्याचेर विस्वास दवरचो न्हय आनी फकत तांच्या गरजे प्रमाण इंधन घेवचें असो उलो मंत्रालयान मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
