भांगरभूंय | प्रतिनिधी
म्हापशें: पेडें म्हापश्यां सर्वीस रोडा वयली उदकाची पायपलायन फुटिल्ल्यान शेंकड्यांनी लिटर उदकाचो इबाड डालो. ही 110 एमएम तांकीची पायपलायन पेडें वाठारांत उदका पुरवण करता.
ही घडणूक आयतारा सांजेच्या 5 वरांच्या सुमाराक घडली. पेडें जंक्शना लागसारच्या वेगीस रॅस्टोरंण्टा लागसार सर्वीस रोडा पोंदच्यान ही पायपलायन गेल्या. गाडयेच्या वजनान ती फुटिल्ल्याचो अदमास आसा.
घडणुकेची म्हायती मेळटाच भौशीक बांदकाम खात्याच्या उदका पुरवण विभागान तत्काळ ते पायपलायनींतल्यान जावपी उदका पुरवण बंद केली. हे पायपलायनीची दुरुस्ती सोमारा सकाळीं हातांत घेतले, अशी म्हायती अधिकाऱ्यांनी दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
