भांगरभूंय | प्रतिनिधी
भांगरभूंय । प्रतिनिधी
पेडणेः गोंय सरकाराच्या खेळा खात्यान आयोजीत केल्ल्या पेडणे तालुको विद्यार्थिनींच्या अंडर 14 कबड्डी सर्तींत तोरसे हांगच्या साई विद्या मंदिराच्या पंगडान वस्तादपण मेळयलें. मोरजी हांगा सरकारी मैदानार जाल्ले फायनलींत तांणी आगरवाडा हांगच्या सरकारी विद्यालयाक तांणी 24 गुणांनी हारयलें.
आर्या नायक, ललिता चव्हाण आनी दीक्षा वरक हांणी जैतांत म्हत्वाची कामगिरी केली. साई विद्या मंदिराच्या पंगडाक पीटी शिक्षक विश्वास कासार हाचें मार्गदर्शन मेळ्ळें. शाळा वेवस्थापनाचो संचालक नागेश गोसावी, मुख्याध्यापक भगवान म्हामल आनी शिक्षकांनी जैतिवंत पंगडाक परबीं भेटयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.