भांगरभूंय | प्रतिनिधी
देशभर येरादारी नेम खर केल्यात. तुमचे स्वताचे सुरक्षितताये खातीर ते केल्यात. मात कांय जाण मुद्दम येरादारी नेम मोडटात. अशा लोकांक पुलीस आडायतात आनी दंड दितात. मात तुमचे वांगडा अशें जावचें न्हय म्हणून आयज आमी तुमकां कांय टिप्स दितले.
ट्रॅफीक सिग्नलां कडेन लक्ष दिवचें
रस्त्या वयल्या येरादारीच्या ट्रॅफीक सिग्नलां आनी चिन्नां कडेन लक्ष दिवचें. गती मर्यादा आनी हेर जायत्यो म्हायती सायन बोर्डाचेर बरयल्ली आसता. शिटकावणी दिवपी चिन्नां कडेन लक्ष दिल्यार अपघात आनी ट्रॅफीक जॅम जावचें ना.
कागदपत्रां वांगडा दवरचीं
जायते फावटीं तुमचे कडेन गाडयेचीं पुराय कागदपत्रां नाशिल्ल्यान तुमी दंड भरतात. ही चूक जावची न्हय म्हणून तुमी तुमचें ड्रायव्हिंग लायसन्स, प्रदुशण प्रमाणपत्र आनी गाडयेच्या विमो कागदपत्रां वांगडा व्हरचीं. पुलीस चवकशी करता तेन्ना ते तुमचे कडल्यान हीं सगळीं कागदपत्रां मागतात. तुमचे कडेन हीं कागदपत्रां आसल्यार भंय नासतना तीं दाखोवंक शकतात आनी दंड टाळूंक शकतात. ह्या सगळ्या कागदपत्रांचो तुमी फोनार फोटो काडूनय दवरपाक शकतात.
गाडयेंत बदल करचे न्हय
कायदो पाळपी गाडयेंत बदल करप सारकें, मात गाडयेंय कायद्यांत बसका तसले बदल करचे न्हय. बदलांक लागून तुमचें चलान कट जावपाक शकता.
ह्या बदलांत गाडयेच्या हारशांचेर काळो फिल्म कोट लावप हाचो आस्पाव जाता. ० टक्के दृश्टी आशिल्लो काळो फिल्म लायल्यार तालांव पडूं येता. खर उजवाडाच्यो लायटी आनी व्हड आवाज प्रणाली स्थापन केल्यार तुमकां खर्च येवंक शकता.
नेमा प्रमाण खंयचेय गाडयेच्या फुडल्या आनी फाटल्या ग्लासाक उण्यांत उणी ७० टक्के दृश्टीकोन आसपाक जाय. कुशीकच्या हारशांक ५० टक्के म्हळ्यार उण्यांत उणो ५० टक्के उजवाड आरशांतल्यान वचूंक जाय. हे येरादारीचे नेम फकत तुमच्या बर्या खातीर आसात. वयर सांगिल्ले सगळे येरादारी नेम पाळ्ळे आनी जतनाय घेवन गाडी चलयल्यार तुमकां कोणून ‘तालांवल’ दिवचे नात. गाडयेचीं सगळीं कागदपत्रां व्हरचीं मागीर तीं सॉफ्ट कॉपी आसूं वा फोनाचेर सेव्ह केल्लीं आसूं. अशे तरेन जेन्ना पुलीस तुमकां आडावन तुमची तपासणी करतात तेन्ना तुमी खंयचोय दस्तावेज सहजपणान दाखोवंक शकतात
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
