भांगरभूंय | प्रतिनिधी
पणजी, प्रतिनिधी : पुर्तुगीज पासपोर्ट तशेच ओसीआय कार्डाचो विशय बेगिनात बेगीन सुटावो जातलो, अशें मुख्यमंत्री डॉ. प्रमोद सावंत हांणी सांगलां. पयले मुख्यमंत्री सर्गेस्त भाऊसायब बांदोडकार हांकां आर्गा ओंपले उपरांत डॉ. सावंत हांणी ही म्हायती दिली.
हो विशय म्हजे मेरेन पावपाक बरोच उशीर जालो. विशय उसरां पाविल्ल्यान तो सुटावो जावपाक उशीर जालो. केंद्रीय गृहमंत्री अमित शाह तशेंच विदेश सचिवांची दिल्लींत भेट घेवन हांवें हो विशय मांडला. जांचे कडेन पुर्तुगीज पासपोर्ट आसा, तांचो भारतीय पासपोर्ट रद्द जाय नासतना तांकां सरंडर सर्टिफिकेट दिवपाचो प्रस्ताव आसा. सरंडर सर्टिफिकेट वा ओसीआय कार्ड दिवन हाचेर तोडगो काडपाचे येत्न आसा, अशें डॉ. सावंत हांणी सांगलें.
डॉ. सावंत हांणी आयज सकाळी मिरामारा बांदोडकार हांचे समाधीचेर फुलांचो झेलो ओंपून तांकां आर्गां ओंपलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
