भांगरभूंय | प्रतिनिधी
पुणे, खबरां संस्था: शेनवारा मध्यान रातचे पार्टी उपरांत पुण्या शाराच्या कल्याणीनगर वाठारांतल्या पबांतल्यान एक चली आनी एक चलो मोटारसायकली वयल्यान घरा वतालीं. मात तांचे दुचाकेक वेगान येवपी गाडयेच्या चालकान धपको दिल्ल्यान त्या दोगांकूय आक्ताक मरण आयिल्ल्याची घडणूक घडल्या. अनिस अवधिया आनी अश्विनी कोस्टा अशीं मरण आयिल्ल्यांचीं नांवां जावन आसा. जाल्यार आरोपी गाडी ड्रायव्हर १७ वर्सां पिरायेचो जावन आसा.
पुलिसांनी दिल्ले म्हायती प्रमाण कल्याणीनगर हांगच्या एका हॉटेलांतल्यान अनिस आनी अश्विनी हीं दोगांय शेनवारा रातीं सुमार अडेज वरांचेर पार्टी करून दुचाकी वयल्यान घरा वतालीं. हॉटेला पसून कांय अंतर फुडें आयले उपरांत ल दोनूय वटेन नंबरप्लेट नाशिल्ले पोर्शे गाडयेन (एम.एच. १४ सी क्यु ३६२२) बजाज पल्सरा वयल्यान वचपी अनिस आनी अश्विनी हांचे गाडयेक नेटान धपको दिलो. त्या दोगांयचे तकलेक मार लागिल्ल्यान तांकां जाग्यारूच मरण आयलें. हे घडणुकेंत आरोप्याक पुलिसांन ताब्यांत घेतला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
