भांगरभूंय | प्रतिनिधी
पुणे, खबरां संस्था ः क्रिकेट खेळगडो महेंद्र सिंग धोनीच्या आदारान इलेक्ट्रीक वाहन कंपनी ईमोटोराड दक्षीण आशियांतलो सगळ्यांत व्हडलो इलेक्ट्रीक सायकल तयार करपाचो प्रकल्प सुरू करता. पुण्यांतल्या रावेत हांगा हो प्लांट 2,40,000 चौखण मिटरांत पातळ्ळा.
15 ऑगस्टा सावन हें उत्पादन सुरू जातलें. कंपनीच्या म्हणण्या प्रमाण पुरायपणान काम सुरु जाल्या उपरांत वर्साक 5 लाखां परस चड सायकली तयार करतली. कंपनीच्या गीगाफॅक्टरींत बॅटरी, मोटर्स, डिस्प्ले आनी चार्जर सयत इलेक्ट्रीक वाहनांत वापरपी सगळे घटक तयार करतले.
उत्पादन सुविधा चार टप्प्यांनी पुराय जातली अशें कंपनीन सांगलां. चारय टप्पे पुराय जाले उपरांत दक्षीण आशियांतलो हो सगळ्यांत व्हडलो कारखानो आसतलो. अभिनव उत्पादनां तयार करपा वांगडाच पोरण्यां उत्पादनांत गरजेचे बदल करून नवे उत्पादनूय लाँच करतली.
भारतांत ई-सायकल ट्रेंड नेटान वाडता
भारतांत ई- सायकल आपणावपी लोकांचो आंकडो नेटान वाडत आसा. बोस्टन कन्सल्टिंग ग्रुप (बीसीजी) च्या हालींच्या अहवाला प्रमाण भारतांत दुचाकी वापरप्यां मदीं दर तिनातलो एकलो ईव्हीक प्राधान्य दिता. इंधनाचे दर, पर्यावरणाचे प्रस्न आनी हाचे कडेन सरकाराचे लक्ष हाका जापसालदार धरला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
