भांगरभूंय | प्रतिनिधी
म्हापशें : पिर्ण-बार्देसच्या अष्टगंधा अर्बन क्रेडीट को-ऑपरेटिव्ह सोसायटींत ११ कोटींच्या अफरातफर प्रकरणांत आदले संचालक प्रकाश कांदोळकार (७०, पेडणें) हाका अटक केली. अर्थीक गुन्यांव विभागान ही व्हड कारवाय केली.
सोसायटीच्या अर्थीक वेव्हारांत अनियमितताय आनी निधीचो गैरवापर जाल्ल्याची कागाळ मुखार आयले उपरांत खोलायेन चवकशी सुरू केल्ली. तपासा मजगतीं अर्थीक गैरवेव्हार उक्तडार आयिल्ल्या संबंदीतां आड गुन्यांव नोंद केलो.
ह्या प्रकरणांत प्रकाश कांदोळकार हांची भुमिका दुबावाची दिशिल्ल्यान ताका ताब्यांत घेतलो. ह्या भोवचर्चीत अर्थीक घोटाळ्या फाटल्यान आशिल्ल्या हेर संबंदीतांचोय सोद घेवप चालू आसा. हे विशीं आनीक कांय धक्को दिवपी गजाली मुखार येवपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
