भांगरभूंय | प्रतिनिधी
पणजी: फाटले दोन दीस घोग्यांनी पावस झडतूच आसा. मात, मंगळारा पावसाचो नेट कांय प्रमाणांत उणो जाल्लो दिसलो. सेगीत पावस पडिल्ल्यान राज्यांतल्या विवीध भागांनी पालसणां, झाडां पडपाच्यो घडणुको घडल्यो. तशेंच पावसाचें उदक लोकांच्या घरांनी भितर सरलें. आयज सकाळीं न्हयबाग – पोरस्कडें म्हामार्गाचेर आनीक एके कडेन पालसणां कोसळिल्ल्यान हो रस्तो येरादारी खातीर बंद केलो.
पेडण्यां सगळ्यांत चड ७.५५ इंच पावस
फाल्यां मध्यम ते चड पावस पडपाची शक्यताय हवामान खात्यान उक्तायल्या आनी ते प्रमाण ऑरेंज अलर्ट जारी केला. ११ ते १३ जुलय ह्या काळांत येलो अलर्ट जारी केला. राज्यांत चोवीस वरांनी सरासरी ३.१२ इंच पावसाची नोंद जाली. पेडण्यां सगळ्यांत चड ७.५५ इंच, म्हापश्यां ४.५३ इंच, मुरगांवां ३.६८ इंच पावसाची नोंद जाली. राज्यांत १ ते ९ जुलय मजगतीं सरासरी ६०.८२ इंच पावस पडला. मजगतीं, वाळपय ह्या णव दिसांनी ७४.१३ इंच पावसाची नोंद जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
