भांगरभूंय | प्रतिनिधी
वास्को : सोमारा रातचो उसरां सुरू जाल्लो घोग्यांनी पावस आनी वादळी वार्याक लागून वास्कोच्या मांगोर हील आनी हेर खुबश्या सुवातांचेर झाडां हुमटून पडलीं. तशेंच कांय झाडां लायटींच्या सरयांचेर कोसळिल्ल्यान लायटूय गायब जाली.
झाडां पडिल्ल्यान रस्त्यांचेर आडखळ निर्माण जाली. तशेंच कांय वाठारांत येरादरीचेरूय परिणाम जालो. मंगळारा सकाळ सावन वीज विभागाचे कर्मचारी तशेंच उजो पालोवपी दळ आनी आपत्कालीन सेवा दळ घडणुके सुवातेर पावन झाडां काडपाचें आनी लायटीची पुरवण करपाचें काम झुजां पांवड्यार सुरू केलां.
आदले नगरसेवक शम्मी साळकार हांणी प्रभावीत भागांक भेट दिवन परिस्थितीचो आढावो घेतलो. तांणी वीज विभाग आनी उजो पालोवपी दळाच्या कर्मचार्यां कडेन समन्वय सादून पडिल्लीं झाडां बेगोबेग काडून आनी नागरिकांक बेगोबेग लायटीची पुरण करपाक सुरवात केली.
नागरिकांनी शिटूक रावचें
मजगतीं, हवामान विभागान दयारदेग वाठारांत फुडले कांय दीस घोग्यांनी पावस आनी वादळ वार्याची शिटकावणी नागरिकांनी गरज आसल्यारूच घरा भायर सरचें आनी शिटूक रावचें असो उलो प्रशासनान मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
