भांगरभूंय | प्रतिनिधी
उपाय करपाची थळाव्यांची मागणी
काणकोण, प्रतिनिधी ः काणकोणच्या गांवडोंगरी पंचायतीच्या वेगवेगळ्या वाठारांनी व्हड प्रमाणांत डेंग्यू दुयेंती मेळपाक लागल्या. हाचे उपरांत काणकोणचे उपजिल्लोधिकारी मधु नार्वेकार हांचे वांगडा भलायकी अधिकारी जुजे तावारीस हांणी हेर खातें मुखेल्यां कडेन बसका घेवन तांची समस्या जाणून घेतली. मजगतीं, हे बसकेंत गांवडोंगरी पंचायत वाठारांत दिसान दीस डेंग्यू दुयेंतींची आंकडो वाडत आशिल्ल्यान फावो ते उपाय करपाचो आदेश दिला.
सुचवणे प्रमाण, भलायकी खात्याच्या कर्मचाऱ्यांनी गांवडोंगरी पंचायत वाठारांतल्या नागरिकां मदीं वाठार निवळ दवरपा विशीं आनी उदकाच्यो टांकयो, वापरी नाशिल्ले टायर, तशेंच जळारां जावपाक शकता अशें आशिल्ल्या सामानांचो विलो लावपा विशीं योग्य जागृताय निर्माण केली. तशेंच डेंग्यूचो प्रसार आडावपाक फवारो मारपाक सुरू केलां.
पूण ह्या वाठारांत डेंग्यूचे दुयेंतींचो आंकडो वाडपाक लागून भंय निर्माण जाला. पाळोळेंत पयलीं 47 डेंग्यूचे दुयेंतीं आशिल्ले तांतूत आतां 13 नवे दुयेंती मेळिल्ल्यान वट्ट दुयेंतींची आंकडो 60 चेर पावलो. हे विशीं हुस्को उक्तायतना थळाव्या लोकांनी भलायकी खात्याच्या अधिकाऱ्यां कडेन योग्य उपाय करपाची मागणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
