भांगरभूंय | प्रतिनिधी
पणजी : गोंयच्या नगरपालिका वेंचणुकेविशीं गोंय सरकारान जारी केल्ल्या अध्यादेशाक गोंयच्या मुंबय उच्च न्यायालयांत आव्हान दिलां. ह्या अध्यादेशाचे वैधतेचेर प्रस्न हाजीर करून याचिकाकर्ते न्यायालयांत पावले. न्यायालयान याचिका दाखल करून घेतल्या, फुडली सुनावणी १० जुनाक जातली. हे विशीं वेंचणूक आयोगाक न्यायालयान प्रतिज्ञापत्र सादर करपाक सांगलें.
हे विशीं म्हायती दितना याचिकादार ट्रोजन डिमेलो हांणी, गोंय सरकारान नगरपालिका वेंचणूक मुजतींत घेवप गरजेचें आशिल्लें. अध्यादेश काडून वेंचणूक मुखार धुकलप चुकीचें. थारिल्ल्या वेळार ही प्रक्रिया जावप गरजेचें आशिल्लें. गोंय सरकारच्या अध्यादेशाक आपूण गोंयच्या मुंबय उच्च न्यायालयांत आव्हान दिलां. न्यायालयान याचिका दाखल करून घेतल्या. निमाणी सुनावणी १० जुनाक जातली.
मजगतीं, शितेश मोरे हांणीय नगरपालिका वेंचणुके विशींच्या अध्यादेशाक गोंयच्या मुंबय उच्च न्यायालयात आव्हान दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
