भांगरभूंय | प्रतिनिधी
पार्थ साळवी, नीरज सारिपल्ली आनी मयुरेश देसाय हांणी युनीक चेस अकादमी वतीन घेतिल्ले गोंय बुद्दीबळ महोत्सवांत पयली सुवात मेळयली.
उक्त्या गटांत पार्थ हाणें पयली सुवात मेळयली. अनीश नायकाक दुसरी आनी दत्ता कांबळीक तिसरी सुवात फावो जाली.
3 प्लस 2 लायटींग गॅम्बिट उक्त्या गटांत नीरज वस्ताद थारलो. ऋत्विज परब आनी व्हिवान बाळ्ळीकार हांकां वळेरेन दुसरी आनी तिसरी सुवात फावो जाली. 25 प्लस 5 रॅपीड रॉयल 15 वर्सां पिराये सकयल्या गटांत मयुरेश देसायाक पयली, मार्क तेलिसाक दुसरी आनी साहिल शेट्टीक तिसरी सुवात फावो जाली. सर्त मडगांवच्या श्री दामोदर विद्याभुवन सभाघरांत जाली.
इनामां भेटवण सुवाळ्याक आदले उप मुख्यमंत्री चंद्रकांत कवळेंकार, आदले खासदार विनय तेंडुलकर, दामोदर विद्या भुवनाचे सचीव ज्योतेंद्र नायक, समीर नायक, सागर उटगी, संजय कवळेंकार, अकादमीचे अध्यक्ष अमृत नायक, मुख्य आर्बिटर तनिष्क कवळेंकार, सचिंद्र नायक, सुधाकर पटगर आशा शिरोडकार हे उपस्थीत आशिल्ले. वनिता देसायान कार्यावळीचें सुत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
