भांगरभूंय | प्रतिनिधी
पणजी : मन की बात कार्यावळीत प्रधानमंत्री नरेंद्र मोदी हांणी पारंपरीक जडीबुटी आनी वखदांचो उल्लेख केलो. पारंपरीक, सैमीक वखदां हें गोंयचें दायज जावन आसा. गोंयकारांनी आता परतून जडीबुटी तशेच पारंपरीक वखदांचो वापर करपाक जाय, असो उलो मुख्यमंत्री डॉ. प्रमोद सावंत हांणी मारला.
डॉ. सावंत आनी हेर कार्यकर्त्यांनी हरवळ्यां प्रधानमंत्र्यांच्या मन की बात कार्यावळीचो लाव घेतलो. उपरांत डॉ. सावंत हांणी ही प्रतिक्रिया उक्तायल्या. गोंयच्या रानावनांनी मोठ्या प्रमाणात जडीबुटी तशेच सैमीक वखदां आसात. सैमीक उपचार पद्दतीचो अवलंब भलायके खातीर पूरक थारतलो, अशें तांणी म्हणले.
मन की बात कार्यावळीक 10 वर्सां पुराय जाल्यांत. हे कार्यावळीतल्यान प्रधानमंत्र्यांचे जनते कडले संबंध घटमुट जाल्यात. आतां नवरात्रां आनी दिवाळी लागीं पावता. गोंयकारांनी परतून एक फावट वोकल फोर लोकल जावन आप मजत गटांक तेंको दिवपाची गरज आसा. आमच्या सगळ्यांच्या तेंक्यान नवरात्रां, दिवाळी कडेन बायलां आप मजत गटांक घटमुट करपाक जाय, अशें आवाहन डॉ. सावंत हांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
