पानवेल क्लब राज्य पांवड्याचेर वस्ताद

जैतिवंत पानवेल स्पोर्ट्स क्लबा वांगडा जीसीएचे जोड सचीव रुपेश नायक, जीसीए सिनीयर क्रिकेट संचालक प्रकाश मयेंकार, पानवेल क्लबाचे पदाधिकारी शशिकांत आमोणकार.

भांगरभूंय | प्रतिनिधी

मयुरेश तांडेलाच्या उत्कृश्ट अश्टतासांच्या प्रदर्शना नेटार पानवेल स्पोर्ट्स क्लबान गोंय क्रिकेट असोसिएशनाच्या ब गट क्रिकेट सर्तीचें राज्य पांवड्या वयलें वस्तादपण जोडलें. ताणें एमआरएफ क्रिकेटर्स क्लबाक 66 धांवड्यांनी हारयलो. फायनल मॅच पणजी जिमखान्याच्या भाऊसाहेब बांदोडकार मैदानाचेर जाली.

मयुरेश तांडेलान 73 धांवड्यांची खेळी करपा खेरीत 29 धांवड्यो दिवन 6 विकेटी घेतल्यो.

पानवेल क्लबान टॉस जिखून पयलीं बॅटींग करपाचो निर्णय घेतलो आनी सगल्यो विकेटी वगडावन 214 धांवड्यो केल्यो. मयुरेशान आक्रमक बॅटींग करतना 68 बॉलांनी नाबाद 73 धांवड्यो केल्यो. हातूंत णव चवके आनी एका सक्याचो आस्पाव आशिल्लो. ते उपरांत 9 ओव्हरींनी 29 धांवड्यो दिवन 6 विकेटी घेवन एमआरएफ क्रिकेटर्साचो डाव 148 धांवड्यांचेर गुठलावपाक मोलादीक योगदान दिलें.

थोडे भितर धांवतकटोः पानवेल स्पोर्ट्स क्लब, 41.3 ओव्हरींनी सगले बाद 214 धांवड्यो (मयरेश तांडेल नाबाद 73, आदित्य नायक 33, रजत शेट 29, वेदांत नायक आनी रॉबिन डिसौझा दरेकी 16, प्रज्योत रिवणकार 13 धांवड्यो, शिवम 4-74, चेतन म्हाड्डोळकार, हेमराज पुरोहीत आनी मनिष नायक गांवकार दरेकी 2 विकेटी) जैत आड एमआरएफ क्रिकेटर्स क्लब, 32.3 ओव्हरींनी सगले बाद 148 धांवड्यो ( साईश प्रभुदेसाय नाबाद 39, हेमराज पुरोहीत आनी चेतन म्हाड्डोळकार दरेकी 24, जग्गू पाटील 16, दुर्गेश प्रभुदेसाय 12 धांवड्यो, मयुरेश तांडेल 6-29, रजत शेट 2-34, शिशीर दिवकर आनी शमीत शेट्टी दरेकी 1 विकेट).

खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.

भांगरभूंय. गोंयचेंच न्हय, तर पुराय संवसारांतलें एकसुरें कोंकणी दिसाळें. फकत गोंयांतूच न्हय, तर डिजीटल माध्यमां वरवीं जगांत जंय कोंकणी मनीस आसा, थंय-थंय पावपी मायभाशेंतलें दिसाळें. गोंयची, गोंया भायली दरेक खबर, म्हायतीपूर्ण लेख, शिक्षण, रोजगारा विशीं ताजी म्हायती दिवपी विश्वासपात्र माध्यम म्हणल्यार भांगरभूंय. सद्दां एक पुरवणी आनी चार पानांची आयताराची घोस्ताची मेजवानी. गोंयची सांस्कृतिक खबर जांव वा राजकी, खेळां बातम्यो वा जांव समाजीक घडामोडी. रोखठोक मतां दिवपी गोंयचें दर्जेदार दिसाळें. लोकभाशेंत लोकांचो आवाज. वाचूंक लागशात, संवय सुटची ना.

भांगरभूंय

पानवेल क्लब राज्य पांवड्याचेर वस्ताद

संबदीत खबरो

उमेदवार, मंत्र्यां कडल्यान चारसंहितेचें उल्लंघन

गाडयेचे अचकीत ब्रेक फेल जाल्यार कितें करपाचें?

साश्टींत मतदान करपाक लोकांच्यो रांको: आमदारांच्यो प्रतिक्रिया

उत्तराखंडांतल्या रानाक उजो: १६७.२० हेक्टर रान लासून गोबोर, ५ जाणांक मरण

रेजिनाल्ड, रुबर्टा विशीं बनावट पत्रकां समाजमाध्यमांचेर व्हायरल

श्रीपाद नायक मतदानाक येतना वांगडा वळखपत्र घेवपाक विसरले

वेंचणुकेचे शाये विशीं आयज बरोच बोवाळ जालो: ती खंय तयार जाता हें तुमकां खबर आसा?

लोकसभा वेंचणूक : गोंयच्या उमेदवारांनी आनी फुडार्‍यांनी केलें मतदान

शाय हात धुल्या उपरांत गेली: मतदार पेट्राशिया पिंटो हांचो आरोप

आयज मतदार ‘राजा’