भांगरभूंय | प्रतिनिधी
मडगांव, प्रतिनिधी ः पाटें- बाळ्ळे इनासिओ फर्नांडीस हांच्या घरांत आयतारा रातीं चोरी. भांगराच्या वस्तीं सयत साडेपांच लाखांचो माल चोरलो.
चोरांनी फर्नांडीसाच्या घरांचे छप्पर काडून भितर सरले आनी भांगराच्या वस्तीं सयत साडेपांच लाखांचो माल चोरलो. सोमारा सकाळीं चोरी जाल्ल्याचे कळताच फर्नांडिस हांणी कुंकळ्ळी पुलिसांक ही चोरीची म्हायती दिली. पुलिसांनी घडणुकेचो पंचनामो करून ताचो सोद घेवपा खातीर सुण्यांच्या पंगडाक आपयलो. तशेंच फॉरेन्सिक पंगडान घरांतल्या बोटांचे छाप घेतले. ह्या प्रकरणाची फुडली चवकशी कुंकळ्ळी पुलीस निरिक्षक डायगो ग्रॅसिअस हांच्या मार्गदर्शना खाला सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
