भांगरभूंय | प्रतिनिधी
माशेल, प्रतिनिधी: माशेलांतल्या घरांत चोरी करुन रिक्शा घेवन पळून वचपी दोगां खांप्या चोरांक लोकांनी धरून बरेच पेटले. अश्पाक कदुर आनी सिकंदर शेख अशीं ह्या चोरांची नांवां जावन आसात.
हे विशीं चड म्हायती प्रमाण, अश्पाक आनी सिकंदर हे दोगूय माशेलांतल्या एका घरांत चोरी करून रिक्शेंतल्यान पळून वताले. नागरिकांनी तांचो फाटलाव करून तांकां धरले आनी बरेच पेटयले. ही घडणून १२ सप्टेंबराक घडिल्ली. पूण हे घडणुकेचो व्हिडिओ सोशल मिडियाचेर आतां व्हायरल जाला.
म्हाड्डोळ पुलिसांनी ह्या दोगूय चोरांक अटक केल्या. अश्पाकाचेर राज्यांत चोरी करपाच्या प्रकरणांत जायते गुन्यांव नोंद जाल्यात. हे विशीं म्हाड्डोळ पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
