भांगरभूंय | प्रतिनिधी
केरी-सत्तरीः पर्ये हांगच्या श्री भूमिका शिक्षण संस्थेच्या श्री भूमिका उच्च माध्यमीक विद्यालयाच्या पालक- शिक्षक संघा वतीन दोन दिसांची रांगोळी आनी अभिनय कार्यशाळा जातली. रांगोळी कलाकार दर्शन नायक आनी नाट्य कलाकार प्रसाद तांडे हांणी विद्यार्थ्यांक मार्गदर्शन केलें. पोट्रेट रांगोळी कशी घालपाची हें विद्यार्थ्यांक शिकोवन तांचे कडल्यान ती काडून घेतली.
विद्यालयाचो प्राचार्य यशवंत सावंत, उप प्राचार्य रावसाहेब राणे, पालक-शिक्षक संघाचो भांडारी अनंत परब. विशाल आमोणकार हाचे उपस्थितींत कार्यशाळेचें उक्तावण जालें. समारोपाचे कार्यावळीक पत्रकार राघोबा पेडणेकार मुखेल सोयरे म्हणून हाजीर आशिल्ले. ह्या वेळार कार्यशाळा मुखेली मनिषा गांवस आनी नितीन नायक हाजीर आशिल्ले. सुकन्या ननावरे, उत्कर्षा ठाकूर, गायत्री पार्सेकार, जान्हवी पिरणकार, स्नेहा साटेलकार, गुंजन तळवडेकार,सुचिता,लक्ष्मण नायक,वंश परब,अभिजित माजिक,मंथन गावडे,तन्मय नायक,सर्वेश्वर वेरेकरा,ओंकार माजिक,कार्तिक माजिक, नेहा गांवस,श्रावणी कुंभार,आश्विनी गांवकार,अर्पिता दळवी,कादंबरी गावडे,हर्षदा नारुलकार,सेजल सावंत आनी प्राची गावस हांका प्रशस्तिपत्रां दिली. लक्ष्मण नायकान कार्यशाळेतले अणभव सांगले..पालक शिक्षक संघाच्या अनंत परबान आपले विचार मांडले.
आपले कडेन एक तरी कला आसपाव जाय. जिणेन बऱ्या गुणाचे रंग भरात असो सल्लो विद्यार्थ्यांक राघोबा पेडणेकारान दिलो. नाट्य अभिनय कार्यशाळेंत वांटेकार जाल्ल्या विद्यार्थ्यांनी एक नाटिका सादर केली. कार्यावळीचें सूत्रसंचालन मनिषा गांवस हिणे केले. पालक- शिक्षक संघाचे अध्यक्ष वामन बापट हांणी विद्यार्थ्यांक मार्गदर्शन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
