भांगरभूंय | प्रतिनिधी
सत्तरी: पर्यें- सत्तरींतल्या ’श्रीभुमिका उच्च माध्यमीक विद्यालयांत शिक्षणीक वर्स २०२६-२७ खातीर नियमीत तत्वाचेर विवीध पदां खातीर पात्र उमेदवारां कडल्यान अर्ज मागयल्यात. संस्थेच्या प्राचार्यांन हे विशीं अधिकृत जायरात प्रसिद्ध केल्या, इत्सुकांनी फुडल्या आठ दिसां भितर अर्ज सादर करचे पडटले.
हे भरती प्रक्रिये वरवीं शिक्षक आनी हेर कर्मचार्यांचीं वट्ट ८ पदां भरतले. हातूंत सकयल दिल्ल्या पदांचो आसपाव आसा.
पदाचें नांव – शिक्षणीक पात्रताय – प्रवर्ग (Category) – वट्ट पदां
शिक्षक श्रेणी -१ (हिंदी)- एम.ए. हिंदी आनी बी.एड. – ओबीसी – १
शिक्षक श्रेणी -१ (अर्थशास्त्र) – एम.ए. अर्थ शास्त्र आनी बी.एड. – एस.टी. – १
शिक्षक श्रेणी-१ (अकावंटन्सी) – एम.कॉम (फायनान्शियल अकाउंटन्सी) आनी बी.एड. – उक्तो वर्ग – १
शिक्षक श्रेणी-१ (इंग्लीश) – एम.ए. इंग्लीश आनी बी.एड. – उक्तो वर्ग – १
शिक्षक श्रेणी-१ (बायोलॉजी) – एम.एस्सी. बायोलॉजी आनी बी.एड. – ओबीसी – १
शिक्षक श्रेणी-१ (कंप्युटर सायन्स) – एमसीए / आयटी पदवी वा मान्यता मेळिल्ल्या विद्यापीठांतल्यान कॉम्प्युटर इंजिनिअरिंगांतली बॅचलर पदवी – उक्तो वर्ग – १
शरिरीक शिक्षण शिक्षक (PE Teacher) खंयच्याय विद्या शाखेतली पदवी आनी बी.पी.एड. – उक्तो वर्ग – १
ग्रंथपाल (Librarian Grade I)बॅचलर ऑफ लायब्ररी अँड इन्फॉर्मेशन सायन्स – उक्तो वर्ग – १
अर्जा खातीर अटी आनी सर्ती:
जायराती प्रमाण, वयल्या सगल्या शिक्षणीक पात्रताय पुराय करपी आनी जांचे कडेन वैध एम्प्लॉयमेंट कार्ड प्रमाणपत्र आसा, अशेच उमेदवार ह्या पदां खातीर अर्ज करपाक पात्र आसतले. पात्र उमेदवारांनी जायरात प्रसिद्ध जाल्ल्याक ८ दिसां भितर आपले अर्ज गरजेच्या कागदपत्रां सयत प्राचार्य, श्री भुमिका उच्च माध्यमीक विद्यालय, पर्यें सत्तरी-गोंय हांचे कडेन दिवपाक जाय.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
