भांगरभूंय | प्रतिनिधी
पेडणें: देश विदेशांतल्यान येवपी पर्यटक सध्या सिंधुदुर्ग वाठारांत वचपाक लागिल्ल्याचें चित्र दिसता. शेंकड्यांनी रशियन पर्यटक सध्या दुचाकी घेवन पेडणें दर्यादेग वाठारांतल्यान थेट केरी तेरी तेरेखोल फेरीबोटींतल्यान तशेंच किरण पाणी पुला वयल्यान सिंधुदुर्गाच्या दर्यादेग वाठारांत वचपाक लागल्यात.
28 नोव्हेंबराक शेंकड्यांनी रशियन पर्यटक केरी तेरेखोल फेरीबोटींतल्यान वतना दिसताले. कांय पर्यटकां कडेन संपर्क सादलो तेन्ना तांणी सांगलें, सिंधुदुर्ग महाराष्ट्र वाठारांतल्यो दर्यादेगो नितळ आनी शांत आसात. थंय अजून काँक्रिटाचें रान जावंक ना. कसलेच तरेचो बोवाळ ना. ताका लागून थंय सुसेग मेळटा. तेचवरी पर्यवरणाचो आनंद घे सारकीं खूबशीं थळां त्या वाठारांत आशिल्ल्याचें कांय पर्यटकांनी सांगलें. हो प्रकार असोच चालू उरलो जाल्यार मांद्रें मतदारसंघांतल्या पर्यटन मोसामाचेर वायट परिणाम जावं येता, अशें मत ह्या वाठारांतल्या पर्यटन वेवसायाचेर निंबून आशिल्ल्या लोकांनी उक्तायलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
