भांगरभूंय | प्रतिनिधी
मडगांव, प्रतिनिधी : राज्या भायर इव्हेंट मॅनेजमेंट कंपनीन सरकारी परवानगी मेळनासतना लग्न सुवाळ्याचें आयोजन केलें. लायटीच्या सरयां लागसारा फोगोटी मारल्यो आनी पर्यटक रावपी सुवातांचेर ड्रोन सोडले. हे विशीं कोलवा पुलीसांनी कारवाय केली. पुलिसांनी पारब्लीस इव्हेंट कंपनी सयत गफूर कासीम खान, आदित्य दातानी एज, गुलशन शर्मा (बिहार) हाचे सयत हेरांचेर गुन्यांव नोंद केला.
मेळिल्ले म्हायती प्रमाण, पुलिसांनी मनीस जिणेक धोको निर्माण केल्ले खातीर आनी लग्नाच्यो कार्यावळी मजगतीं सरकारी आदेश पाळूंक नाशिल्ल्यान गुन्यांव नोंद दाखल केला. गोंयां भायल्यो खुबशे इव्हेंट मॅनेजमेंट कंपन्यो एजंटां वरवीं परवान्या खातीर सरकारी कार्यालयांत संपर्क सादतात. मात सरकारी परवानगी जर मेळूंक ना जाल्यार कार्यावळीचें आयोजन करून सरकारी नेम मोडटात.
गोंयच्या फात्राडे दर्यादेगे फागसारा कारावेला बीच रिसोर्ट हांगा ३० मार्चाक रातच्या ८ वरांचेर सरकारी परवानगे बगर लग्न सुवाळ्याचें आयोजन केलें. ह्या वेळार विंगड विंगड रंगाच्यो आनी आवाज करपी फोगोट्यो लायटीच्या सरयां कडेन फोडल्यो. ताका लागून धोको निर्माण जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
