भांगरभूंय | प्रतिनिधी
पणजी : गोंय उदरगत पक्षाचे आदले फुडारी विकास प्रभुदेसाय हांणी म्हजेर, पयशे घेवन वेंचणुको लढयिल्ल्याचो आरोप केला. मात हांवें केन्नाच कोणा कडल्यान पयशे घेवन वेंचणूक लढोवंक ना. प्रभुदेसाय हांणी २०१० वर्सा स. मनोहर पर्रीकार हांचे कडल्यान कितले पयशे घेतिल्ले, तांतले कितले पयशे खंयच्या मतदारसंघांत खर्च केले हाची जाप तांणी दिवची, अशें प्रतिपादन मिकी पाशेको हांणी केलें. शुक्रारा पणजे जाल्ले पत्रकार परिशदेंत ते उलयताले.
पाशेको हांणी, भाजप २००७ सावन सासश्टींतलीं मतां फोडपाचो यत्न करताले. २०१०तूय पर्रीकार हांणी असो यत्न केल्लो. हालींच प्रभुदेसाय हांणी एके मुलाखतींत हांवें पयशे घेतिल्ल्याचो आरोप केलो. मात तेन्ना पक्षाचे भांडारी प्रभुदेसायूच आशिल्ले. भांडारी म्हणून पयशांचे सगले वेव्हार तांचे कडेंच आशिल्ले. हाका लागून पर्रीकार हांणी तांकां कितले रुपया दिल्ले हे तांणी स्पश्ट करचें. मुळांत १६ वर्सां उपरांत हो विशय काडपाचें कारण कितें हेंय प्रभुदेसाय हांणी स्पश्ट करचें.
कॉंग्रेस संघटनेंतल्या चुकीच्या कामकाजाक कंटाळून कांय लोकांनी गोवा कॉंग्रेस पक्ष सुरू केल्ल्याची चर्चा आसा. सध्या म्हाका ह्या पक्षा विशीं चड म्हायती ना. कॉंग्रेसीन चुकीच्या मनशाची पदाधिकारी म्हणून निवड केल्ल्यान खुबशे जाण उबगल्यात. कॉंग्रेसीच्या ह्या कारभाराक लोक उबगल्ल्यान तांकां बरो पर्याय दिवपाचो यत्न करतले. आमच्या पक्षा विशीं आमी योग्य वेळार निर्णय जारी करतले. आमी भाजप विरोधी पक्षांक घेवन मुखार वतले, अशें
एआय कॅमेरा
पाशेको हांणी, बाणावले, कोलवा भागांत चुकीच्या सुवातांचेर ट्रॅफीक सिग्नल आनी एआय कॅमेरे बसयल्यात. हाका लागून येरादारी कोयंडीत भर पडटली. येरादारी खात्यान योग्य अभ्यास करून मागीरूच हीं यंत्रणां सुरू करचीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
