पयलो दीस बॉलरांनी गाजयलो

भांगरभूंय | प्रतिनिधी

पर्वरी क्रिकेट अकादमीची खेळपट्टी परतून एकदा बॉलरांक मजत करपी थारली. काल जीसीएच्या जीपीएल तीन दिसांचे लीग क्रिकेट लडतीच्या पयल्या दिसा 18 विकेटी पडल्यो.

पयली पणजी जिमखानान एमसीसीचो पयलो डाव 179 धांवड्यांचेर सोंपयल्या उपरांत दिसाचे अखेर मेरेन पणजी जिमखानाची स्थिती 6 बाद 142 अशी जाल्या. काल पडिल्ल्या 18तल्यो 16 विकेटी स्पिनरांनी घेतल्यो.

एमसीसी खातीर शांतनू नेवगीन 107 बॉलांनी 12 चवक्यांचे मजतीन 80 धांवड्यो केल्यो. पणजी जिमखाना वतीन राहुल मेहतान चार, मनीष पै काकोडेन 3 जाल्यार शुभम देसायान 2 विकेटी घेतल्यो. ताका जाप दितना पणजी जिमखानान आपल्या पयल्या डावांत 8 विकेटी वगडावन 142 धांवड्यो केल्यो. पयल्या डावाचे आघाडी सावन जिमखाना अजून 38 धांवड्यांनी फाटीं आसा.

थोडे भितर धांवतकटोः एमसीसी, (पयलो डाव) सगले बाद 179 (सुमिरन आमोणकार 0, प्रथमेश 4, शांतनू नेवगी 80, शौर्य जगलान 17, पियुष यादव 13, दिगेश रायकार 24, दर्शन मिशाळ 4, वेदांत नायक 9, किथ पिंटो 2, दिपांशू शर्मा 11, हेरंब परब नाबाद 4 धांवड्यो, राहुल मेहता 4-12, मनीष पै काकोडे 3-61, शुभम देसाय 2-43, शुभम तारी 1-19) पणजी जिमखाना (पयलो डाव) 42 ओव्हरींनी 8 बाद 142 धांवड्यो (राहुल मेहता 23, आर्यन नार्वेंकार 10, अझान थोटा 2, दर्शन कवठणकार 13, तुनीश सावकार 4, राजशेखर हरिकांत 34, शुभम देसाय 0, मनीष पै काकोडे 21, हेरंब परब नाबाद 22, शुभम तारी नाबाद 5 धांवड्यो, दर्शन मिशाळ 3-47, किथ पिंटो 3-37, हेरंब परब 1-19, वेदांत नायक 1-32).