भांगरभूंय | प्रतिनिधी
खबरां संस्था
सिलाहटः पयली टॅस्ट जिखपा खातीर श्रीलंकेन दिल्लें 511 धांवड्यांचो फाटलाव करतना येजमान बांगलादेशान दुसऱ्या डावांत 5 आवट 47 धांवड्यो केल्ल्या खेळाच्या तिसऱ्या दिसाच तांची हार निश्चीत जाल्यात. हार वाटावपा खातीर तांकां आनीक 464 धांवड्यांची गरज आसा. कसलेंच अजाप जाल्यारूच ते आपली हार वाटावपाक शकतले.
श्रीलंकेन आपल्या दुसऱ्या डावांत 418 धांवड्यो केल्यो. पयल्या डावांतली आघाडी धरून जैता खातीर तांणी बांगलादेशाक 512 धांवड्यांचें लक्ष्य दिला. श्रीलंकेचो कॅप्टन धनंयज डिसिल्वान (108) शेंकड्याची खेळी केली. कामिंदु मेंडीसान 164 धांवड्यांची खेळी केली. प्रभात जयसूर्यान 25 धांवड्यांचे योगदान दिलें. मेंहदी हसन मिराजान 4 विकेटी घेतल्यो. नाहिद राणा आनी तैजुल इस्लामाक देरकी दोन विकेटी मेळ्ळ्यो.
पयले टॅस्टीचेर श्रीलंकेन घट्ट पकड घेतल्या. बांगलादेशाच्या दुसऱ्या डावांत 5 विकेटी फकत 47 धांवड्यांत पडल्यो. महमदूल हसन जॉय (0), झाकीर हसन (19), कॅप्टन नजमूल शांतो (6), शहादत दिपू (0) आनी लिटन दास 0) हे आवट जाल्यात. बांगलादेशाचो दुसरो डाव पयल्या डावा भशेन कोसळत गेलो. ताची सुरवातूच बाबत जाली. शून्याचेर महमदूल जॉन शून्यारेर आवट जालो. विश्वा फर्नांडोन 7 ओव्हरींत 13 धांवड्यो दिवंन 3 विकेटी घेतल्यो. कसुन राजिथान आनी लाहिरू कुमारान दरेकी एक विकेट घेतली. हार वाटावपा खातीर बांगलादेशाक अजून 464 धांवड्यांची गरज आसा आनी ताचे फकत पाच खेळगडे खेळपाचे आसात. तिसऱ्या दिसाचो खेळ सोपलो तेन्ना मोनिमूल हक (7) आनी तिंजुल इस्लाम (6) खेळपट्टीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
