भांगरभूंय | प्रतिनिधी
पेडणें, प्रतिनिधी: पेडणें अबकारी विभागा वतीन आयज पत्रादेवी चेक नाक्यार ३० लाख रुपयांचो चोरिल्लो सोरो आनी १२ लाखांचो मेळून वट्ट ४२ लाखांचो माल जप्त करपाक अबकारी अधिकार्यांक येस आयलें.
ह्या कंटेनरान वट्ट १२५० सोर्याचीं बॉक्सां आसात. जाची किंमत ३० लाख रुपया आसा. तशेंच जप्त केल्ल्या कंटेनराचें मोल बारा लाख रुपया आसा. ह्या दोगांयचे मेळून ४२ लाख मोल जाता.
कंटेनर चोरयेचो सोरो गोंयच्यान महाराष्ट्रांत व्हरतना पुलिसांनी ही कारवाय केली. कंटेनराच्या चालकान मात थंयच्या पळ काडलो. पुलीस ताचो सोद घेतात.
अबकारी अधिकारी राजेश नायक, जयेश बांदेकार, वासुदेव गांवस, विशाल गांवस, जितेंद्र गांवस, लाडू गांवकार, तुकाराम सांगळे आनी हेरांनी ही कारवाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
