भांगरभूंय | प्रतिनिधी
विद्या प्रबोधिनी म्हाविद्यालयांत पत्रकारिता कार्यशाळा
पणजी: पत्रकारिता मळार खूबश्यो संदी आसात. ताचो लाव घेवंक जाय. ह्या मळार बरें करियर करूं येता अशें ‘गोवन वार्ता’चे संपादक पांडुरंग गांवकार हांणी सांगलें. ह्या वेळार तांणी पत्रकारिता मळा वेलीं वास्तवीक तथ्यांय स्पश्ट केलीं.
पर्वरेच्या विद्याप्रबोधिनी म्हाविद्यालयांत विद्यार्थ्यां खातीर पत्रकारिता कार्यशाळेचें आयोजन केल्लें त्या वेळार ते मुखेल सोयरे म्हूण उलयताले.
कार्यशाळा तीन सत्रांनी आयोजीत केल्ली. पयलें सत्र तरुण भारताचे उपसंपादक राजू भिकारो नायक हांणी घेतलें. तांणी बातमी हेडलायन, बातमीची वळख ह्या विशयांचेर उजवाड घालो.
दुसरें सत्र टायम्स ऑफ इंडियाच्यो सहाय्यक संपादक गौरी मळकर्णेंकार हांणी घेतलें. तांणी रिपोर्ट लेखन, बातमी संपादन आनी पत्रकारिता ह्या विशयांचेर उजवाड घालो. तिसरें सत्र गोमंतकाचे मुखेल ब्युरो अवीत बगळी हांणी घेतलें. तांणी विवीध प्रकारच्यो मिडिया आनी तांच्या स्क्रिप्ट लेखनांचेर उजवाड घालो.
कार्यावळीची सुरवात प्राचार्य भूषण भावे हांच्या येवकाराच्या उलोवपान जाली. संयोजक गौरेश बगळी हांणी प्रास्तावीक उलोवप केलें. कार्यावळीचें सुत्रसंचालन सहाय्यक प्राध्यापिका आशा नायक हांणी केलें. सहाय्यक प्राध्यापक दिवाकर गुरव हांणी सत्राचें काम पळयलें.
सहाय्यक प्राध्यापक देविका गुरव, विजय कुडणेंकार, आशय नायक, अमोल नायक आनी स्वप्नील गांवकार हांणी कार्यावळ येसस्वी करपा खातीर मजत केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
