भांगरभूंय | प्रतिनिधी
पणजी : आयतारा फांतोडेर सुमार ४.३० वरांचेर पणजे मांडवी पुलार एके गाडयेक ओव्हरटेक करतना दुचाकी चालकान दुसरे गाडयेक नेटान धपको दिलो. हातूंत दुचाकी चालक चालक मसूद सावकार (३१, बेती – बार्देस) हो गंभीर जखमी जाल्ल्यान ताका उपचारा खातीर हॉस्पिटलांत व्हेलो. ताचेर सध्या गोमॅकोंत उपचार सुरू आसात.
पणजी पुलिसांनी ह्या अपघाताची नोंद करून तपास सुरू केला. पुलिसांनी दिल्ले म्हायती प्रमाण, नव्या मांडवी पुलार एका दुचाकी चालकान दुसर्या वाहनांक ओव्हरटेक करतना मुखारच्यान येवपी गाडयेक नेटान धपको दिलो. हातूंत दुचाकी चालक मसूद सावकार हो जखमी जालो. जखमीक रोखडोच १०८ रुग्णवाहिकेचे मजतीन बांबोळे जिएमसींत व्हेलो.
मजगतीं, दुचाकी चालक बेतींतल्यान पणजेचे दिकेन वतालो जाल्यार गाडी चालक पणजेच्यान पर्वरीचे दिकेन वतालो. हो अपघात इतलो भिरांकूळ आशिल्लो. हातूंत दुचाकीचो चुरो जालो जाल्यार गाडयेचो फुडलो टायर फुटलो.
ह्या अपघाता विशीं कळटांच पुलीस घडणुके सुवातेर पावले. पणजी पुलीस निरीक्षक विजय चोडणकार हांच्या मार्गदर्शना खाला हवालदार राजेश येशी हांणी पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
