भांगरभूंय | प्रतिनिधी
पणजी : पणजी सावंतवाडी मार्गार कदंब महामंडळाचे बसीक सोमारा रातच्या सुमार ९ ते ९.३० वरां मजगतीं तोरसेराजवेळवाडो जंक्शना कडेन अपघात जालो. बसीचो फुडलो टायर फुटिल्ल्यान चालकाचें वाहनावेलें नियंत्रण सुटलें आनी बसीन रस्त्यावेल्या ‘स्ट्रीट लायट’च्या खांब्याक धपको दिवन ती विरुद्ध लेनींत घुसली.
ह्या अपघातांत बसचालकाक दुखापत जाली. ताचेर उपचार केली. बसींतले सगळे प्रवासी सुरक्षीत आसा. ह्या अपघातांत कोणाकूच कांय जावंक ना.
हे घडणुके उपरांत कांय काळ येरादारीचेर परिणाम जालो. संबंदीत यंत्रणांनी रोखडेच घडणुके सुवातेर धांव घेवन परिस्थिती नियंत्रणांत हाडली. अपघाताक लागून ‘स्ट्रीट लायट’च्या खांब्याचेंय लुकसाण जालां. फुडलो तपास पुलीस करतात.
मजगतीं, वाढपी अपघात आनी तातूंत वचपी जीव हे विशीं चिंता उक्तायल्या. वाहन चालकांनी सगले नेम पाळून वाहनां चलोवचीं असो उलो प्रशासन आनी येरादारी पुलिसां वतीन मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
