भांगरभूंय | प्रतिनिधी
मडगांव, प्रतिनिधी : लोकसभा वेंचणुकां खातीर अपक्षां सयत भाजप, कॉंग्रेस आनी आरजीपी घराघरांनी वचून लोकांक भेट दितात. भाजपान नारीशक्तीचो नारो दिल्ल्यान कॉंग्रेसीन संविधान वाटावपाचो आदार घेतला. मात, ही वेंचणूक साश्टींतल्या ज्या आमदारांनी कॉंग्रेसींतल्यान भाजपांत प्रवेश केला तांकां मतदार कोणा वांगडा आसात हें दाखोवपी थारतली.
दक्षीण गोंयांत भाजपाची उमेदवार पल्लवी धेंपो हांणी प्रचाराक सुरवात केल्ल्या तिका बरो प्रतिसाद मेळटा. मुख्यमंत्री डॉ. प्रमोद सावंत, प्रदेशाध्यक्ष सदानंद शेट तानावडे, आदले मुख्यमंत्री दिगंबर कामत, मंत्री आलेक्स सिक्वेरा हांणी प्रचारांत वांटो घेवन घरांघरांनी प्रधानमंत्री मोदीं खातीर परत भाजपाचाी उमेदवारूच जिकपाची गरज आशिल्ल्याचें लोकांक पटोवन दिलां. भाजपाच्या काळांत मतदारां कडेन मतां मागतना उदरगतीच्या कामांचोय आदार घेता. कॉंग्रेस संविधान वाटावपाक, लोकशाय वाटावपाक आनी लोकहिताचे नाशिल्ले प्रकल्प भायर मारपाक मतदान करपाचो उलो मारता. हाका विरियातो हांच्या वक्तव्यान मात्सो फटको बसता तरी आघाडींतल्या हेर पक्षांचे फाटबळ कॅ. विरियातो हांकां मेळटा.
आरजीपीन कॉंग्रेसच्या आमदारांनी पक्ष बदलून विश्वासघात केलो आनी लोकांचीं कामां करपाक भाजप अपेशी थारिल्ल्याचें सांगून एक संद दिवपाचो उलो मारला. तशेंच घराघरांनी वचून प्रचार करपाचेर भर दिल्या.
आतां वेंचणूक लोकसभेची जरी आसली तरी कॉंग्रेसीच्या ज्या आमदारांनी पक्ष बदल्ला. तांबे वांगडा तांचें मतदार कायम आसा काय? हें हें वेंचणुकेंतल्यान कळटलें. ताका लागून भाजपांत गेलेल्या आमदारां खातीरूय ही वेंचणूक म्हत्वाची.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.