भांगरभूंय | प्रतिनिधी
पटियाला, खबरां संस्था: वाडदिसाचो केक खावन १० वर्सां पिरायेचे चलयेक मरण आयलां. हो केक ऑनलायन ऑर्डर केल्लो. केक खाल्या उपरांत घरांतल्या लोकांक त्रास जावपाक लागले. ओंकूंक येवप, कलकलपाक जावपाक लागलें. जे धा पिरायेचे चलयेचो वाडदीस आशिल्लो ताका हातूंत मरण आयलें. सोशल मिडियाचेर हे चलयेचो व्हिडियोय व्हायरल जाला.
पटियाला पंजाब हांगा ही घडणूक घडली. चलयेचें नांव मानवी. आमी सांजवेळा ६ वरांचेर ऑनलायन केक ऑर्डर केलो. तो ६.१५ वरांचेर आयलो. ७ वरांचेर केक कापलो. हो केक खाल्या उपरांत सगळ्यांची भलायकी इबाडली. कांय जाणांक पोटांत धवळपाक लागलें, कांय जाणांक ओकूंक आयलें. मानवीचो वाडदीस आशिल्लो. ताणें आनी ताचे आठ वर्सां पिरायेचे भयणीन केक खालो. मानवी आनी ताचे धाकले भयणीक ओकूंक आयलें. ल्हान भयणीक मानवी परस चड ओकपाक आयलें. मानवीच्या तोंडांतल्यान फेस भायर आयलो. आमकां दिसलें ओकूंक आयलां म्हणून फेस आयला आसतलो. कांय वेळान बरें दिसतलें ताका. ओकूंक आयल्या उपरांत मानवी न्हिदपाक गेलें. कांय वेळान तें आयलें आनी उदक मागलें. सकाळीं सुमार ४ वरांचे आमी ताका पळयलें तेन्ना ताची कूड थंड जाल्ली. रोखडेंच ताका हॉस्पिटलांत व्हेलें, थंय दोतोरान ताचेर उपचार केले. पूण ताका मरण आयलें अशें दोतोरांनी सांगलें. मानवीच्या आज्यान ही म्हायती दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
