भांगरभूंय | प्रतिनिधी
पणजी: पंचामृत इंडस्ट्रीजान तीन दसकां परस चड काळ गोंयच्या कुटुंबांत विस्वास, गुणवत्ता आनी निरोगीपणाचें प्रतीक म्हणून वळख निर्माण केल्या. पंचामृताचो प्रवास १९९० वर्सा एम. बी. होसामणी ऍण्ड सन्स ह्या नांवान ‘तांदूळ वेवसाय कंपनी’ म्हणून सुरू जालो. उपरांत २०१७ वर्सा हे कंपनीक ‘ग्रँड पंचायत इंडस्ट्रीज’ अशें नवें नांव दिलें. आयज ते २०० परस चड सामानाचें उत्पादन करता आनी हें सामान गोंयकारांच्या घराचो एक मोलादीक असो भाग आसा.
पंचामृतान सदांच निरोगीपणां आनी आपल्या गिरायकांच्यो गरजो सांबाळपाचो यत्न केला. २०२३ वर्सा णव गरजेचीं पुश्टीक तत्वां आसपी नमुन्यां मदीं भारताचो पयलो फोर्टिफायड ब्रॅण्ड म्हणून इतिहास रचला. ताचे उपरांत नवो उपक्रम म्हणून नोव्हेंबर २०२४ वर्सा पंचामृतान गिरायकांक पुश्टीक उत्पादनां मेळचे खातीर फोर्टिफायड उत्पादनांची वळेरीच सुरू केली. जातूंत फोर्टिफायड चक्की आटा, हिमालय पिक सॉल्ट,गूळ पावडर, कोल्ड प्रेस्ड ऑयल, (भूयमूग, नाल्ल, कड्डण, सुर्यफूल) आनी बासमती तांदूळ उत्पादनां आनी तांचो फोर्टिफायड चक्की आटांत व्हिटामीन बी १२, फॉलीक ऍसीड आनी लोह अश्या गरजेच्या पुश्टीक घटकांचो आसपाव आसा.
पंचामृत पिठाक लागून रगत वाडटा, उर्जा वाडयता आनी हाडां घटमूट करता. तातुंतलें उच्च फायबर पचनांत मजत करता आनी काळजाचे भलायकेक उर्बा दिता. हिमालय गुलाबी मीठ हें सैमीक मीठ. हातूंत ८४ परस चड खनिज आनी इलॅक्ट्रोलायट्सान समृद्ध आसा. तशेंच उकाचें प्रमाण नियंत्रीत करपाक मजत करता, हार्मोनल संतुलनाक मजत करता आनी वायट गजालीं पसून मुक्त आसतना पचन सुदारता. भिकणां, नाल्ल, कड्डण हाचे सयत कोल्डप्रेस तेलांची श्रेणी आनी सूर्यफूल काळजा खातीर बरें, अँटिऑक्सडिंटान समृद्ध आसा आनी सैमीक जिवनसत्वा तिगोवन दवरता.
हें तेल रोगप्रतिकार शक्त वाडयता, पचन सुदारता आनी रांदपाक लेगीत योग्य थारता. एक पुश्टीक पर्याय म्हणून गोडाची पावडर, जी अँटिऑक्सडिंट्सान भरलेली आसता आनी खनीज लिवर डिटॉक्स करता , प्रतिकारशक्त वाडयता आनी पचन शक्त वाडयता. सदच्या जेवणांतलो हो एक म्हत्वाचो घटक जावन आसा.
कांय प्रामाणीक गिरायकांनी पंचामृत उत्पादनां विशीं आपलें मत उक्तायलें. एक गिरायक सर्वोत्तम सातेडेकर हांणी, पंचामृत उत्पादनां नेमान वापरिल्ल्यान आमचे जिणेंच म्हत्वाचे बदल घडल्यात. ताची गुणवत्ता आनी पुश्टीकसाणेन आमची भलायकी आनी जीण खरेंच सुदारल्या. २०२४ सोंपतनाच पंचामृत इंडस्ट्रीज नव्या वर्सा खातीर गोंयकारांनी निरोगी जगपाक नव्या वर्सा नवो संकल्प सुरु करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
