भांगरभूंय | प्रतिनिधी
कोरगांवः न्हंयबाग- पोरस्कडें पेडणेंच्या राष्ट्रीय म्हामार्गार शेनवारा 20 एप्रीलाक फांतोडेर स्वयंअपघात जालो.
महाराष्ट्रांत नोंदणी आशिल्लो कंटेनर गोयांतल्यान महाराष्ट्राचे दिशेन वतना हो अपघात जाल्ल्याची म्हायती मेळ्ळ्या. ह्या कंटेनरांत वैजकी साहित्य आशिल्लें. न्हंयबाग- पोरस्कडें पेडणेंच्या राष्ट्रीय म्हामार्गार तो उमथलो.
ह्या अपघातांत वाहन चालक दिरज बर्ड (35) हाचे तकलेक आनी हाता- पांयांक दुखापक जाल्या. जखमी चालकाक उपचारा खातीर हॉस्पिटलांत दाखल केला.
ह्या अपघातांत सुमार 5 ते 6 लाखांचें लुकसाण जालां. मजगतीं, दोन दिसां आदीं पत्रादेवी तपासणी नाक्यार भिरांकूळ अपघात जाल्लो. तातूंत एकल्याक सुवातेचेरूच मरण आयिल्ले जाल्यार हेर गंभीर जखमी जाल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
