भांगरभूंय | प्रतिनिधी
येजमान न्युझिलॅण्ड आनी श्रीलंका ह्या पंगडां मदीं कालच्यान दुसरे टॅस्टीक सुरवात जाली. उण्या उजवाडाक लागून पयल्या दिसा फकत 48 ओव्हरींचो खेळ जालो.
श्रीलंकेन टॉस जिखून पयलीं न्युझिलॅण्डाक बॅटींग करपाचें आमंत्रण दिलें. पयल्या दिसाचो खेळ सोंप मेरेन न्युझिलॅण्डान 2 विकेटी वगडावन 155 धांवड्यो केल्यात. केन विलियम्सन 26 आनी हॅन्री निकोल्स 18 धांवड्यांचेर नाबाद आसा.
ओपनर डॅव्होन कॉन्वेन उत्कृश्ट बॅटींग केली. पयली विकेट रोखडीच पडल्या उपरांत ताणें पंगडाचो डाव सांबाळ्ळो. आपले संयमी खेळींत कॉन्वेन 13 चवक्यांचे मजतीन 78 धांवड्यो केल्यो. सध्या तो फॉर्मांत आसा. फाटल्या पांच टॅस्टींनी 41.66चे सरासरीन 375 धांवड्यो केल्यात. हातूंत एका शेंकड्याचो आनी तीन अर्द शेंकड्यांचो आस्पाव आसा.
श्रीलंके वतीन कसून रजिथा आनी धनंजय डी सिल्वा हांणी दरेकी एक विकेट घेतली. रजितान 16 ओव्हरींनी 42 धांवड्यो दिल्यो. धनंजयान आठ ओव्हरींनी 18 धांवड्यो दिल्यो. लहिरू कुमारा, असिता फर्नांडो हांकां एकूय विकेट मेळूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.