भांगरभूंय | प्रतिनिधी
फोंडें, प्रतिनिधी ः एके 13 वर्सां पिरायेचे नेण्टे चलयेचो विनयभंग केल्ल्या प्रकरणांत दुबावीत लक्ष्मण बोरकार (45- मडकय) हाका म्हाड्डोळ पुलिसांनी अटक केली. दुबाविताक एक दीस पुलीस बंदखणींत दवरपाचो आदेश न्यायालयान दिला. पांचव्या दिसाच्या गणेश विसर्जना वेळार ही घडणूक घडली. म्हाड्डोळ पुलिसांनी अटक केल्लो दुबावीत सरकारी कर्मचारी आसा.
पुलिसांनी दिल्ले म्हायती प्रमाण, दुबावितान गणेश विसर्जनाच्या पांचव्या दिसा नेणटे चलयेचो विनयभंग केलो. हे संबंदी चलयेचे आवयन पुलिशेंत कागाळ केल्ली. ते प्रमाण सोमारा पुलिसांनी दुबाविताक अटक केली. निरिक्षक योगेश सावंत हे फुडली चवकशी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
