भांगरभूंय | प्रतिनिधी
काणकोण, प्रतिनिधी : माशें, काणकोणच्या वोल्ताचेर आयज आयतारा सकाळीं जाल्ल्या अपघातांत अंकोलाचे एके चलयेक मरण आयलें.
हे विशीं चड म्हायती प्रमाण, मडगांवच्यान कारवारचे दिकेन वचपी दुचाकी चालक रोहित पाटील (२५, व्हेटेगाळी कारवार) आनी दुचाकीच्या फाटल्यान बशिल्ली दिव्या दिगंबर नायक देसाय (केरी, अंकोला) हीं माशें हांगा पाविल्लीं. थंयच्या वोल्ताचेर नुस्त्याच्या घाणयार्या उदकचेर तांची दुचाकी निसरली आनी तीं दोगांय रस्त्यार पडलीं. दुचाकी पडना फुडें रस्त्या कुशीक आशिल्ल्या खांब्याक दिव्या नेटान आपटलें. १०८ ऍम्बुलन्सीक आपोवन त्या दोगांयकूय काणकोणां हॉस्पिटलांत फुडल्या उपचारा खातीर व्हेलीं. तेन्ना दोतोरांनी दिव्या हाका मरण आयिल्ल्याचें सांगलें. रोहिताक बारीकशी दुखापत जाल्या. दिव्या ही एके नामनेचे कंपनीत सुरक्षा रक्षक म्हणून काम करताली अशी म्हायती मेळ्ळ्या. पुलिसांनी दिव्याच्या कुटुंबा कडेन संपर्क केला. हे विशीं पुलीस निरीक्षक हरीश राउत देसाय फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
