भांगरभूंय | प्रतिनिधी
पणजी : नुस्तेमारी संचालनालयान एला धावजी- ओल्ड गोवाच्या नुस्तेमार प्रशिक्षण केंद्रात 18 जून सावन सुरू जावपी 6 म्हयने काळाच्या अभ्यासक्रमाखातीर अर्ज मागयल्यात.
क्राफ्ट्स अॅण्ड गीयर्स, नेव्हिगेशन अॅण्ड सिमॅनशीप, मरिन डिजेल मशीन देखभाल आनी चालू करप, आधुनिक जाळां विणप, सिफुड व्हॅलू एडिशन अॅण्ड मार्केटिंग, अक्वाकल्चर, एक्वेरिएम तयार करप आनी पेंवपा प्रशिक्षणाचो अभ्यासक्रमात आस्पाव आसा.
वयल्या प्रशिक्षण अभ्यासक्रम प्रवेशाखातीर कमीत कमी 8 वी पास आनी 18 ते 35 वर्सां पिराय गटातले उमेदवार पात्र आसात. अनुसूचीत जाती आनी जमाती तशेंच अणभव आशिल्ल्या नुस्तेमारी करपी समाजातल्या उमेदवारांक प्राधान्य दितले.
अभ्यासक्रमांक प्रवेश घेतिल्ल्या उमेदवारांक म्हयन्याक 1000/- रूपया विद्यावेतन दितले. तशेंच नुस्तेमारी ट्रिपी प्रमाण दिसाक 100/- रूपया डीए दितले. ह्या अभ्यासक्रमा खातीर अर्ज करपाची निमाणी तारीख 5 जून आसा.
इत्सुक उमेदवारांनी अर्ज आनी चड म्हायती खातीर एला धावजी- ओल्ड गोवाच्या नुस्तेमार प्रशिक्षण केंद्रात वा नुस्तेमारी संचालनालयाचे कार्यालय, पणजे 0832-2224838 ह्या फोन नंबराचेर संपर्क करचो वा www.fisheries.goa.gov.in ह्या वेबसायटीचेर भेट दिवची.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
