भांगरभूंय | प्रतिनिधी
पणजी: नुवें-सासश्टीच्या ’कार्मेल आर्ट्स, सायन्स अँड कॉमर्स कॉलेज फॉर वुमन’ हे संस्थेन शिक्षणीक वर्स २०२६-२०२७ खातीर विवीध शिक्षक आनी शिक्षकेतर कर्मचारी पदां खातीर अर्ज मागयल्यात. एऩएएसी (NAAC) कडल्यान ’ए’ ग्रेड मेळिल्ल्या ह्या महाविद्यालयांतल्या रित्या पदां खातीर पात्र भारतीय नागरिकां कडल्यान ऑनलायन पद्धतीन अर्ज मागयल्यात.
महाविद्यालयान जाहीर केल्ल्या पत्रका प्रमाण, अंडरग्रेज्युएट पांवड्यार इंग्लीश, हिंदी, कोंकणी, राज्यशास्त्र, अर्थशास्त्र, इतिहास, मानसशास्त्र, रसायनशास्त्र, वनस्पतीशास्त्र, प्राणीशास्त्र, भौतिकशास्त्र, गणित, वाणिज्य अशा वट्ट १४ विशयां खातीर ’असिस्टंट प्रोफेसर’चीं पदां भरतले. हीं पदां कंत्राटी आनी तासिका (लेक्चरर) तत्त्वाचेर भरतले. तशेंच शिक्षकेत्तर कर्मचारी पदां मदीं कंत्राटी तत्त्वाचेर एक ’कौन्सिलर’ आनी एक ’लॅबोरेटरी असिस्टंट’ (पर्यायी पद) भरतले.
१. शिक्षक पदां (Teaching Posts)
पदाचें नांव – कंत्राटी पद्धत (Contract) – लेक्चरर पद्धत (Lecture)
सहाय्यक प्राध्यापक (इंग्रजी) – ०१-०१
सहाय्यक प्राध्यापक (हिंदी) – ०१ – ०२
सहाय्यक प्राध्यापक (कोंकणी) – ०१ – ०२
सहाय्यक प्राध्यापक (राज्यशास्त्र) – ०१ (उपविभाग) – ०१
सहाय्यक प्राध्यापक (अर्थशास्त्र) – ०१ – ०१
सहाय्यक प्राध्यापक (इतिहास) – ०२ – ०१
सहाय्यक प्राध्यापक (मानसशास्त्र) – ०२ – ०१
सहाय्यक प्राध्यापक (रसायनशास्त्र) – ०१ (उपविभाग) – ०१
सहाय्यक प्राध्यापक (वनस्पतिशास्त्र) – – ०१
सहाय्यक प्राध्यापक (प्राणिशास्त्र) – ०१ (उपविभाग) – ०१
सहाय्यक प्राध्यापक (भौतिकशास्त्र) – ०२
सहाय्यक प्राध्यापक (गणित) – ०२ – ०२
सहाय्यक प्राध्यापक (वाणिज्य) – ०१ (उपविभाग) -०१
सहाय्यक प्राध्यापक (व्यवसाय कायदा) – ०१
शिक्षकेत्तर पदां (Non-Teaching Posts)
पदांचें नांव – पदांची संख्या
समुपदेशक (Counsellor) – ०१ कंत्राटी पद्धत
प्रयोगशाळा सहाय्यक (Laboratory Assistant) – ०१
कंत्राटी पद्धत
उमेदवाराकडेन गोंयचो १५ वर्सांची लिवींग सर्टीफिकेट आसप गरजेचें. तशेंच कोंकणी भाशेचें ज्ञान गरजेचें, मराठीचें ज्ञान इत्सिक आसा. शिक्षक पदां खातीर जायरात प्रसिद्ध जाल्ले पसून २० दिसां भितर आनी शिक्षकेतर कर्मचारी पदां खातीर १५ दिसां भितर ऑनलायन अर्ज करप सक्तीचें. अर्ज भरले उपरांत ताची हार्ड कॉपी गरजेच्या कागदपत्रां सयत कॉलेजीच्या कार्यालयांत जमा करचीं. सविस्तर म्हायती आनी ऑनलायन अर्जां खातीर उमेदवारांनी महाविद्यालयाच्या https://carmelcollegegoa.org/recruitments हे वेबसायटीक भेट दिवची, असो उलो प्राचार्य डॉ. अल्डिना ब्रागांझा हांणी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
