भांगरभूंय | प्रतिनिधी
पर्वरी : पर्वरेच्या पुलिसांक सांताक्रूझ, कुजिरा तिसवाडेच्या रफीक हुसेन हाका अटक करून ताचे कडल्यान निल्लीच्यान (नेरूल) चोरिल्ली मोटर सायकल जप्त केल्या.
निल्ला रावपी राजू बिश्वकर्मा हांणी पर्वरे पुलीस स्टेशनाचेर आपली दुचाकी घरां कडेन दवरिल्ले कडेन चोरयेक गेल्ल्याची कागळ नोंद केल्ली. ते प्रमाण पुलिसांनी अनवळखी चोरा आड कागाळ नोंद केल्ली. अशी म्हायती पर्वरे पुलीस स्टेशनाचे निरीक्षक राहुल परब हांणी दिली.
पुलिसांक दुबाविताक रोखडोच धरपाक येस आयलें. दुचाकी पुलिसांनी जप्त केल्या. फुडलो तपास चालू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
